جماران خبر رساں ایجنسی کی رپورٹ کے مطابق، اسلامی انقلاب ایران کے بانی امام خمینی کی صاحبزادی ڈاکٹر زہرا مصطفوی نے معروف سماجی و علمی شخصیت ڈاکٹر اشرف بروجردی کے انتقال پر گہرے رنج و غم کا اظہار کیا ہے۔ انہوں نے اپنے تعزیتی پیغام میں کہا کہ ڈاکٹر اشرف بروجردی ایک ثابت قدم روشن فکر اور روشنگر خاتون تھیں جنہوں نے خواتین کے شعبے میں نمایاں خدمات انجام دیں۔
ڈاکٹر زہرا مصطفوی نے کہا کہ اشرف بروجردی نے انقلاب سے قبل کم عمری کے باوجود انقلاب کی کامیابی کے لیے جدوجہد کی اور انقلاب کے بعد بھی خواتین کے میدان میں مسلسل سرگرم رہیں۔ ان کی پرفراز و نشیب زندگی نے انہیں ایک باصلاحیت اور مضبوط خاتون میں ڈھال دیا۔
انہوں نے مزید کہا کہ مرحومہ صاحبِ نظر تھیں اور اپنے نظریات کے فروغ کے لیے مسلسل کوشش کرتی رہیں۔ ڈاکٹر زہرا مصطفوی نے دعا کی کہ اللہ تعالیٰ انہیں اپنی رحمت میں جگہ دے اور ان کی خدمات کو قبول فرمائے۔
پیغام کے اختتام پر انہوں نے کہا کہ ہمیں یاد رکھنا چاہیے کہ ہم سب اللہ کی طرف سے ہیں اور اسی کی طرف لوٹ کر جانا ہے اور حساب بھی اسی کے حضور ہوگا۔