"استقلال" خارجہ پالیسی کا سب سے اہم موضوع ہے

کاظم غریب آبادی، معاون وزیر امور خارجہ برائے قانونی و بین الاقوامی امور نے جماران سے گفتگو کرتے ہوئے کہا: اسلامی جمہوریہ ایران نے انقلاب اسلامی کی کامیابی کے بعد اپنی خارجہ پالیسی کے اصول اسی بنیاد پر مرتب کیے۔ مختلف مواقع پر جب ہمیں کچھ چیلنجز کا سامنا ہوا، ہم نے ہمیشہ کوشش کی کہ اپنی خارجہ تعلقات میں "استقلال" (خودمختاری) اور طاقتوں پر عدم انحصار کے اصول کو برقرار رکھیں۔

انہوں نے امام خمینیؒ کی 36ویں برسی کی تقریب کے موقع پر جماران کے رپورٹر سے گفتگو میں کہا: استقلال کا مطلب ہے کہ کسی بھی غیر ملکی طاقت پر انحصار نہ کیا جائے، اور یہ اصول امام خمینیؒ کی بیان کردہ خارجہ پالیسی کے بنیادی نکات میں سے ہے، جو ہمارے آئین میں بھی شامل ہے اور ایک بنیادی کردار ادا کرتا ہے۔

یہ خودمختاری دراصل "قاعدہ نفی سبیل" پر مبنی ہے، یعنی بیگانہ طاقتوں کو ہمارے داخلی و خارجی امور پر مسلط نہیں ہونا چاہیے۔

اسلامی جمہوریہ ایران نے انقلاب اسلامی کے بعد اپنی خارجہ پالیسی کے اصول اسی بنیاد پر قائم کیے اور مختلف ادوار میں، چیلنجوں کے باوجود، ہم نے ہمیشہ کوشش کی کہ اس استقلال کو محفوظ رکھیں اور کسی طاقت کے تابع نہ ہوں۔