نتن یاہو نے شرم الشیخ کا دورہ منسوخ کر دیا

جماران خبر رساں ایجنسی کی رپورٹ کے مطابق اسرائیلی وزیراعظم بنیامین نتن یاہو نے شرم الشیخ میں منعقد ہونے والی امن کانفرنس میں شرکت کے اپنے طے شدہ دورے کو منسوخ کر دیا ہے۔ یہ اجلاس غزہ میں جاری جنگ کے خاتمے کے لیے بلایا گیا تھا۔

اسرائیلی میڈیا کے مطابق، وزیراعظم کے دفتر سے جاری ایک سرکاری بیان میں کہا گیا ہے کہ نتن یاہو کو امریکی صدر ڈونلڈ ٹرمپ نے شرم الشیخ میں ہونے والی کانفرنس میں شرکت کی دعوت دی تھی۔ تاہم، وزیراعظم نے وضاحت کی کہ وہ یہودی مذہبی تعطیل سِمحات تورات کے قریب ہونے کی وجہ سے اجلاس میں شرکت نہیں کر سکیں گے۔

بیان میں مزید کہا گیا ہے وزیراعظم نتن یاہو صدر ڈونلڈ ٹرمپ کے دعوت نامے پر شکریہ ادا کرتے ہیں، تاہم انہوں نے وضاحت کی ہے کہ تعطیلات کی وجہ سے وہ اس میں شرکت نہیں کر سکتے۔ وزیراعظم صدر ٹرمپ کے خطے میں امن کے دائرے کو وسعت دینے کی کوششوں کو سراہتے ہیں  ایک ایسا امن جو طاقت کے مؤقف سے حاصل کیا گیا ہو۔

عبری ذرائع ابلاغ نے اس سے قبل اطلاع دی تھی کہ نتن یاہو ممکنہ طور پر امریکی صدر کے ساتھ ایئر فورس ون پر شرم الشیخ روانہ ہو سکتے ہیں۔

رپورٹس کے مطابق، اسرائیلی وزیراعظم کے سفر کے لیے اسرائیل کے صدارتی طیارے بال صہیون اور ایئر لائن ال عال کو بھی تیار رکھا گیا تھا۔